DNA: "கேரளாவில் எழுத்தாளர்களுக்கு கேரவன் கொடுப்பாங்க..." - போஸ் வெங்கட்

'மான்ஸ்டர்', 'பர்ஹானா' படங்களை இயக்கிய இயக்குநர் நெல்சன் வெங்கடேசனின் இயக்கத்தில், அதர்வா, நிமிஷா சஜயன், போஸ் வெங்கட் போன்றோர் நடிப்பில் கடந்த 20 ஆம் தேதி வெளியான திரைப்படம் 'DNA'.

இப்படம் மக்களிடையே வரவேற்பைப் பெற்றிருக்கிறது. இந்நிலையில் இப்படத்தின் வெற்றி விழா கொண்டாட்டம் சென்னையில் நடைபெற்று வருகிறது.

DNA

நிகழ்ச்சியில் பேசிய போஸ் வெங்கட், “என்னை இந்தப் படத்தில் நடிக்க வைத்த இயக்குநருக்கு நன்றி. கேரளாவில் ஐந்து கேரவன் இருந்தால், அதில் எழுத்தாளர்களுக்கு ஒரு கேரவன் கொடுக்கப்படும். கேரளாவில் திரைக்கதை ஆசிரியர்களுக்கு அவ்வளவு மரியாதை கொடுக்கப்படும்.

எழுத்தாளர்கள், கதையாசிரியர்கள் என்பவர்கள் தனி செக்டார். அந்த செக்டார் நன்றாக இருந்தால் உறுதியாக இருந்தால் திரைப்படங்கள் தோற்பதற்கு வாய்ப்புகள் குறைவாக இருக்கும்.

இதனை நான் பல இடங்களில் விவாதமாக வைத்திருக்கிறேன். அந்த வகையில் ஒரு திரைக்கதை ஆசிரியரை மேடை ஏற்றி அவருக்கு மரியாதை செலுத்திய 'DNA' படத்தின் இயக்குநர் நெல்சனிற்கு நன்றியைத் தெரிவித்துக்கொள்கிறேன்.

போஸ் வெங்கட்

அதேபோல இந்தப் படத்தில் என்னுடன் பணியாற்றிய அனைவருக்கும் நன்றியைத் தெரிவித்துக்கொள்கிறேன். நிமிஷா இந்தப் படத்தில் நன்றாக நடித்திருக்கிறார். சிலர் பேர் ஜெயிக்க வேண்டும் என்ற எண்ணம் நமக்கு இருக்கும். அந்த வகையில் நடிகர் அதர்வா ஜெயிக்க வேண்டும் என்று எனக்குத் தோன்றும்" என்று பேசியிருக்கிறார்.

சினிமா விகடனின் பிரத்யேக Whatsapp க்ரூப்

https://chat.whatsapp.com/JSk78H7siYK4aL2qO1RglR

சினிமா தொடர்பான எக்ஸ்க்ளூசிவ் அப்டேட், அசத்தல் பேட்டிகள், டி.வி அப்டேட்கள் என எதையும் மிஸ் செய்யாமல் தெரிந்து கொள்ள...

உங்கள் வாட்ஸ் அப் மூலமே இணைந்திருங்கள் சினிமா விகடனுடன்...

https://chat.whatsapp.com/JSk78H7siYK4aL2qO1RglR