Travis Head நடித்த விளம்பரத்தை தடை செய்ய RCB மனு; தள்ளுபடி செய்த நீதிபதி - என்ன நடந்தது?

IPL தொடரில் அதிக ரசிகர்களைக் கொண்ட அணிகளில் ஒன்று ராயல் சேலஞ்சர்ஸ் பெங்களூரு (RCB).

சமீபத்தில் ஹைதராபாத் வீரர் ட்ராவிஸ் நடித்து ஊபெர் மோட்டோ வெளியிட்ட யூடியூப் விளம்பரம், தங்களை அவமதிப்பதாக உள்ளது என ஆர்.சி.பி அணி அளித்த மனுவை தள்ளுபடி செய்துள்ளது டெல்லி உயர் நீதிமன்றம்.

இந்த விளம்பரம் (அணிகளுக்கு இடையில்) எந்த குறுக்கீடையும் கொண்டிருக்கவில்லை எனக் கூறியுள்ளார் நீதிபதி சவுரப் பானர்ஜி.

RCB

அவர், "குற்றம் சாட்டப்பட்ட விளம்பரம் கிரிக்கெட் விளையாட்டின் சூழலில் அமைந்துள்ளது, இது ஒரு போட்டி மனப்பான்மை உள்ள விளையாட்டு, எங்கள் பார்வையில், இதில் நீதிமன்றம் தலையிட எந்த தேவையும் இல்லை" எனக் கூறியுள்ளார்.

மேலும், "இதுபோன்ற வழக்கில் இந்த நேரத்தில் நீதிமன்றம் தலையிடுவது என்பது, மனுதாரர் கீழே விழமாட்டார் என்ற உத்தரவாதத்துடன் தண்ணீரில் நடக்க வைப்பதற்கு சமம். இதனால் வழக்கு தள்ளுபடி செய்யப்படுகிறது" எனக் கூறியுள்ளார்.

முன்னதாக விளம்பரம் எந்தவகையில் அவமதிப்பதாக அமைந்துள்ளது என்பதை எடுத்துரைத்த ஆர்.சி.பியின் வழக்கறிஞர், "விளம்பரத்தில் அந்த கிரிக்கெட் வீரர் "Bengaluru vs Hyderabad" என்ற அறிவிப்பு பலகையை சேதப்படுத்தும் நோக்கில் ஸ்டேடியத்துக்குள் நுழைக்கிறார்.

Ad

பின்னர் அந்த பலகையில் ராயல்லி சேலஞ்ச்ட் பெங்களூரு என மாற்றுகிறார். இது ஆ.ர்.சிபியின் அடையாளத்தை இழிவுபடுத்தும் செயல்." எனப் பேசியுள்ளார்.

ஒரு அணி குறித்து எதிர்மறையாக சித்தரிப்பது இழிவுபடுத்தும் செயல் என்று வாதிட்டார் அவர். மேலும் சன்ரைசர்ஸ் ஹைதராபாத் ஐபிஎல் அணியின் கமர்ஷியல் ஸ்பான்சராக இருக்கும் உபர் மோட்டோ, சவாரி முன்பதிவு செய்யும் அதன் தயாரிப்பை விளம்பரப்படுத்தும் போது, ​​ஆர்சிபியின் வர்த்தக முத்திரையைப் பயன்படுத்தியது தவறு என்றும் கூறியுள்ளார்.

ஊபர் நிறுவனத்தின் சார்பில், "ஆர்.சி.பி அணி பொதுமக்களின் நகைச்சுவை உணர்வை கடுமையாக குறைத்து மதிப்பிட்டுள்ளது" என வாதிடப்பட்டது. விளம்பரங்களில் நகைச்சுவை உணர்வும் கேலிப்பேச்சும் இருப்பது இயல்பானதே என்றும் வாதிட்டனர்.

ஊபர் மோட்டோவின் விளம்பரம் தற்போது வைரலாகி வருகிறது.