Vadivelu: ``மக்கள்தான் கடவுள்; உங்க வாழ்த்து என்னைக்கும் வேணும்'' - பிறந்தநாளில் வடிவேலு நெகிழ்ச்சி

3 months ago 5

ARTICLE AD BOX

இந்திய சினிமாவின் தவிர்க்க முடியாத நகைச்சுவை நடிகர் வடிவேலு, நூற்றுக்கணக்கான படங்களில் நடித்துள்ளார்.

இன்று (செப். 12) தனது 65வது பிறந்தநாளைக் கொண்டாடும் அவருக்கு, சமூக வலைதளங்களில் ரசிகர்கள் பலர் வாழ்த்துகளைத் தெரிவித்து வருகின்றனர்.

இந்நிலையில், ரசிகர்களின் வாழ்த்துகளுக்கு நன்றி தெரிவித்து வடிவேலு ஒரு வீடியோ வெளியிட்டுள்ளார்.

அதில் அவர் கூறியதாவது:
"உலகம் முழுவதும் உள்ள என்னுடைய ரசிகர்கள் அனைவருக்கும் எனது மனமார்ந்த வணக்கம். இன்று என்னுடைய பிறந்தநாள். இந்தப் பிறந்தநாளில் உலகம் முழுவதும் உள்ள பலரும் என்னை மனதார வாழ்த்தியிருக்கிறீர்கள்."

இந்த வாழ்த்து என் குலதெய்வத்தை விட மேலான ஒன்றாக இருக்கிறது. மக்கள்தான் என் கடவுள். மக்கள்தான் எனக்கு எல்லாமே.

நீங்கள் இல்லை என்றால் இந்த வடிவேலே இல்லை.