Virat Kohli: "என் அடுத்த இலக்கு இதுதான்" - 2027 உலகக்கோப்பை குறித்து விராட் கோலி சொல்வது என்ன?

8 months ago 8

ARTICLE AD BOX

ரோஹித் சர்மா தலைமையிலான இந்திய கிரிக்கெட் அணி, 2024 டி20 உலகக்கோப்பை மற்றும் 2025 சாம்பியன்ஸ் டிராபி கோப்பை ஆகியவற்றை வென்று சாதனை படைத்தது.

2024 டி20 உலகக்கோப்பை வென்றவுடன், சர்வேதேச டி20 கிரிக்கெட்டில் இருந்து ஓய்வு பெறுவதாக ரோஹித் சர்மா மற்றும் விராட் கோலி அறிவித்தனர்.

இதே போல், சாம்பியன்ஸ் டிராபி வெற்றியுடன் இருவரும் ஓய்வை அறிவித்து விடுவார்களோ என ரசிகர்கள் அச்சம் கொண்டிருந்தனர்.

ஆனால் அப்படியான அறிவிப்பு எதுவும் வெளியாகவில்லை. இந்நிலையில் 2027ம் ஆண்டு உலகக்கோப்பை தொடரில் விளையாடத் திட்டமிட்டு இருப்பதை இந்திய கிரிக்கெட் அணியின் நட்சத்திர வீரர் விராட் கோலி உறுதி செய்திருக்கிறார்.

சமீபத்தில் பெங்களூரில் நடைபெற்ற நிகழ்ச்சி ஒன்றில் கலந்துகொண்ட விராட் கோலியிடம், "கிரிக்கெட்டில் உங்களின் அடுத்த நகர்வு என்னவாக இருக்கும்?" என்று கேள்வி எழுப்பப்பட்டிருக்கிறது.

அதற்குப் பதிலளித்த அவர், “அடுத்த பெரிய இலக்கு என்ன என்பது குறித்து எனக்குத் தெரியவில்லை. ஆனால் 2027 உலகக்கோப்பையை வெல்வது பெரிய இலக்காக இருக்கலாம்” என்று தெரிவித்திருக்கிறார்.