‘WTC ஃபைனலை விட ஐபிஎல்-க்கு முன்னுரிமை’ - ஹேசில்வுட்டை சாடிய மிட்செல் ஜான்சன்

சிட்னி: ஐசிசி உலக டெஸ்ட் சாம்பியன்ஷிப் இறுதிப் போட்டியை விடவும் ஐபிஎல் கிரிக்கெட்டுக்கு முன்னுரிமை அளித்ததாக ஆஸ்திரேலிய அணியின் பந்து வீச்சாளரான ஹேசில்வுட்டை கடுமையாக சாடியுள்ளார் அந்த அணியின் முன்னாள் வீரரான மிட்செல் ஜான்சன்.

அண்மையில் முடிந்த ஐபிஎல் சீசனில் ராயல் சேலஞ்சர்ஸ் பெங்களூரு அணிக்காக ஹேசில்வுட் விளையாடி இருந்தார். ஐபிஎல் கிரிக்கெட்டில் ஆர்சிபி முதல் முறையாக சாம்பியன் பட்டம் வென்றது குறிப்பிடத்தக்கது. இந்தியா - பாகிஸ்தான் இடையே எல்லையில் மோதல் ஏற்பட்ட காரணத்தால் 18-வது ஐபிஎல் சீசன் சில நாட்கள் இடைநிறுத்தப்பட்டது. இதனால் வெளிநாட்டு வீரர்கள் தங்களது தாயகத்துக்கு திரும்பி இருந்தனர்.