எம்சிசி - முருகப்பா ஹாக்கி தொடர்: இந்தியன் ரயில்வே வெற்றி

சென்னை: எம்சிசி - முருகப்பா தங்க கோப்பை ஹாக்கி தொடர் சென்னை எழும்பூரில் உள்ள மேயர் ராதாகிருஷ்ணன் விளையாட்டரங்கில் நடைபெற்று வருகிறது.

இதில் ‘ஏ’ பிரிவில் நேற்று நடைபெற்ற லீக் ஆட்டத்தில் இந்தியன் ரயில்வே 4-2 என்ற கோல் கணக்கில் மகாராஷ்டிரா அணியை வீழ்த்தியது. இந்தியன் ரயில்வே அணி தரப்பில் குர்சாகிப்ஜித் சிங் (18-வது நிமிடம்), தர்ஷன் கவ்கர் (53-வது நிமிடம்), ஷேஷ கவுடா (56-வது நிமிடம்), சண்முகம் (57-வது நிமிடம்) ஆகியோர் தலா ஒரு கோல் அடித்தனர்.