“கமல் மன்னிப்புக் கேட்டாலும் கூட...” - விடாமல் பிடிவாதம் காட்டும் கர்நாடக திரைப்பட சம்மேளனம்!

பெங்களூரு: திரையரங்குகளும் விநியோகஸ்தர்களும் ஏற்கெனவே ‘தக் லைஃப்’ படத்தைத் திரையிடுவதில்லை என்று முடிவு செய்துவிட்டனர். கமல்ஹாசன் மன்னிப்பு கேட்டாலும், உடனடியாக அதை வெளியிட அனுமதிக்க மாட்டோம் என்று கர்நாடக திரைப்பட சம்மேளனம் மீண்டும் தெரிவித்துள்ளது.

இது குறித்து கர்நாடக திரைப்பட சம்மேளனத்தின் தலைவர் நரசிம்மலு கூறும்போது, “‘நான் எந்தத் தவறும் செய்யவில்லை, அதனால் மன்னிப்பு கேட்க மாட்டேன்’ என்று கமல்ஹாசன் உறுதியாக கூறுகிறார். ஆனால் அவர் மன்னிப்பு கேட்கவில்லை என்றால், படத்தை வெளியிட அனுமதிப்பது என்ற பேச்சுக்கே இடமில்லை.