குஜராத்தை கடைசி ஓவரில் வீழ்த்திய லக்னோ: மார்க்ரம், பூரன் அரை சதம் | LSG vs GT

லக்னோ: நடப்பு ஐபிஎல் சீசனின் 26-வது லீக் ஆட்டத்தில் குஜராத் டைட்டன்ஸ் அணியை 6 விக்கெட்டுகளில் வீழ்த்தி கடைசி ஓவரில் லக்னோ சூப்பர் ஜெயன்ட்ஸ் அணி வெற்றி பெற்றது.

லக்னோவில் நடைபெற்ற இந்த ஆட்டத்தில் டாஸ் வென்ற எல்எஸ்ஜி அணி பந்துவீச முடிவு செய்தது. இந்த ஆட்டத்தில் லக்னோ அணியின் தொடக்க ஆட்டக்காரர் மிட்செல் மார்ஷ் விளையாடவில்லை. குஜராத் அணிக்காக ஷுப்மன் கில் மற்றும் சாய் சுதர்சன் இணைந்து இன்னிங்ஸை ஓபன் செய்தனர். இருவரும் முதல் விக்கெட்டுக்கு 120 ரன்கள் பார்ட்னர்ஷிப் அமைத்தனர்.