‘கூலி’ லாபமா, நஷ்டமா? - 4 நாளில் ரூ.400 கோடியை கடந்த வசூல்!

கடந்த 4 நாட்களில் ‘கூலி’ படத்தின் வசூல் ரூ.404 கோடி ரூபாயை கடந்திருப்பதாக படக்குழு அதிகாரபூர்வமாக அறிவித்திருக்கிறது.

ஆகஸ்ட் 14-ம் தேதி சன் பிக்சர்ஸ் தயாரிப்பில் வெளியான படம் ‘கூலி’. கடுமையாக விமர்சிக்கப்பட்டாலும், இப்படத்துக்கு இருந்த எதிர்பார்ப்பினால் நல்ல வசூல் செய்து வந்தது. முதல் நாளில் 152 கோடி ரூபாய் வசூல் செய்து, முதல் நாளில் அதிக வசூல் செய்த தமிழ்ப் படம் என்ற மாபெரும் சாதனையை படைத்தது. இதனைத் தொடர்ந்து அடுத்தடுத்த நாட்களில் வசூல் குறையத் தொடங்கியது.