‘கூலி’ வசூல் குறித்து போலி தகவல்களை வெளியிடுவதா? - வெளிநாட்டு விநியோகஸ்தர் எச்சரிக்கை

‘கூலி’ வசூல் குறித்து போலி தகவல்களை வெளியிடுபவர்களுக்கு எதிராக சட்ட நடவடிக்கை எடுக்கப்படும் என்று படத்தின் வெளிநாட்டு உரிமையைப் பெற்றுள்ள ஹம்சினி நிறுவனம் எச்சரித்துள்ளது.

லோகேஷ் கனகராஜ் இயக்கத்தில் ரஜினி நடிப்பில் வெளியான படம் ‘கூலி’. சன் பிக்சர்ஸ் தயாரித்து, ஆகஸ்ட் 14-ம் தேதி உலகமெங்கும் வெளியானது. இப்படத்தினை விமர்சகர்கள் கடுமையாக சாடினார்கள். ஆகையால் இதன் வசூல் தொடர்ச்சியாக இறங்குமுகமாக அமைந்தது. இதனால் இப்படம் பல்வேறு விநியோகஸ்தர்களுக்கு தோல்வியில் முடியும் என்று தகவல் வெளியானது.