கோலி, படிக்கல் அபார கூட்டணி: பஞ்சாப் கிங்ஸை வென்ற ஆர்சிபி

சண்டிகர்: நடப்பு ஐபிஎல் சீசனின் 37-வது லீக் ஆட்டத்தில் பஞ்சாப் கிங்ஸ் அணியை 7 விக்கெட்டுகளில் வீழ்த்தியது ராயல் சாலஞ்சர்ஸ் பெங்களூரு அணி. இந்த ஆட்டத்தில் ஆர்சிபி பேட்ஸ்மேன்கள் விராட் கோலி மற்றும் தேவ்தத் படிக்கல் இணைந்து 103 ரன்களுக்கு பார்ட்னர்ஷிப் அமைத்தனர்.

சண்டிகரில் உள்ள முலான்பூர் மைதானத்தில் இந்த ஆட்டம் நடைபெற்றது. இதில் டாஸ் வென்ற ஆர்சிபி கேப்டன் ரஜத் பட்டிதார் பந்து வீச முடிவு செய்தார். பஞ்சாப் கிங்ஸ் அணி 20 ஓவர்களில் 6 விக்கெட்டுகள் இழப்புக்கு 157 ரன்கள் எடுத்தது.