‘சக்திமான்’ உரிமையை பெற்றாரா? - ரன்வீர் சிங் மறுப்பு

இந்தி நடிகர் முகேஷ் கன்னா நடித்துத் தயாரித்த தொடர், ‘சக்திமான்’. தூர்தர்ஷனில் 1997-ம் ஆண்டு வெளியாகி வரவேற்பைப் பெற்ற இத்தொடர், சுமார் 8 வருடங்கள் ஒளிபரப்பானது.

குழந்தைகளுக்குப் பிடித்த சூப்பர் ஹீரோ தொடராகவும் அப்போது இருந்தது. இதை, தின்கர் ஜெயின் இயக்கி இருந்தார். இத்தொடரை சினிமாவாக எடுக்க இருப்பதாக முகேஷ் கன்னா, கடந்த வருடம் தெரிவித்திருந்தார். இதில் சக்திமான் கேரக்டரில் ரன்வீர் சிங் நடிக்க இருப்பதாகவும் அதன் திரைப்பட உரிமையை பெற்றுள்ளதாகவும் செய்திகள் வெளியாயின.