சஞ்சு சாம்சன் உள்ளே; ஜடேஜா வெளியே - ராஜஸ்தான் ராயல்ஸ் அணி உடன் டீலை முடித்த சிஎஸ்கே

சென்னை: ராஜஸ்தான் ராயல்ஸ் அணியில் இருந்து டிரேடிங் முறையில் விக்கெட் கீப்பர் பேட்ஸ்மேனான சஞ்சு சாம்சனை வாங்கியுள்ளது சென்னை சூப்பர் கிங்ஸ் அணி. அதற்கு பதிலாக ஆல்ரவுண்டர் ரவீந்திர ஜடேஜாவை ராஜஸ்தான் வசம் கொடுத்துள்ளது சிஎஸ்கே.

ஐபிஎல் 2026-ம் ஆண்டுக்கான சீசனை முன்னிட்டு 10 ஐபிஎல் அணிகளும் தங்கள் அணியில் தக்கவைக்கப்பட்ட வீரர்களின் விவரங்களை இன்று வெளியிட வேண்டும். இதை தொடர்ந்து டிசம்பர் மாதம் நடைபெறும் மினி ஏலத்தில் ஐபிஎல் அணிகள் தங்களுக்கு வேண்டிய வீரர்களை பெறலாம். இந்த சூழலில் இதற்கு முன்பாக ஐபிஎல் அணிகள் டிரேடிங் முறையில் வீரர்களை மாற்றிக் கொள்ளலாம்.