சென்னை | கல்லால் தாக்கி வழிப்பறி: பிரபல கொள்ளையன் கூட்டாளிகளுடன் கைது

சென்னை: கல்லால் தாக்கி வழிப்பறியில் ஈடுபட்டதாக பிரபல கொள்ளையன் கூட்டாளிகளுடன் கைது செய்யப்பட்டுள்ளார். சென்னை ஓட்டேரி, கொசப்பேட்டை, சச்சிதானந்தம் தெருவைச் சேர்ந்தவர் கோபி (35). சாமி சிலைகள் செய்யும் தொழில் செய்து வருகிறார். இவர் கடந்த 4-ம் தேதி இரவு வீட்டினருகே ஒரு துக்க நிகழ்ச்சியில் கலந்து கொண்டு வீட்டிற்கு செல்ல டோபிகானா வீட்டு வசதி வாரியம் அருகே நடந்து சென்று கொண்டிருந்தார்.

அப்போது, அங்கிருந்த 4 பேர் கோபியை வழிமறித்து பணம் கேட்டு மிரட்டினர். அவர் பணம் கொடுக்க மறுக்கவே 4 பேரும் கை மற்றும் கீழே கிடந்த கல்லை எடுத்து தாக்கி கோபியிடமிருந்த பணம், செல்போனை பறித்து தப்பினர். அதிர்ச்சி அடைந்த அவர் இதுகுறித்து ஓட்டேரி காவல் நிலையத்தில் புகார் தெரிவித்தார்.