‘ஜாம்பவான் லாராவுக்காக டிக்ளேர் செய்தேன்’ - வியான் முல்டர் விவரிப்பு

புலவாயோ: ஜிம்பாப்வே அணிக்கு எதிரான 2-வது டெஸ்ட் கிரிக்கெட் போட்டியில் தென் ஆப்பிரிக்க அணி முதல் இன்னிங்ஸில் 5 விக்கெட்கள் இழப்புக்கு 626 ரன்கள் குவித்து டிக்ளேர் செய்தது. கேப்டன் வியான் முல்டர் முச்சதம் அடித்து சாதனை படைத்தார்.

ஜிம்பாப்வேயின் புலவாயோ நகரில் நடைபெற்று வரும் இந்த டெஸ்ட் போட்டியில் முதலில் பேட் செய்த தென் ஆப்பிரிக்க அணி முதல் நாள் ஆட்டத்தின் முடிவில் 88 ஓவர்களில் 4 விக்கெட்கள் இழப்புக்கு 466 ரன்கள் குவித்தது. டோனி டி ஸோர்ஸி 10,லெசெகோ செனோக்வானே 3 ரன்களில் நடையை கட்டினர். டேவிட் பெடிங்காம் 82, லுவான் -ட்ரே பிரிட்டோரியஸ் 78 ரன்கள் சேர்த்து ஆட்டமிழந்தனர்.