ஜாஸ் பட்லர் 54 பந்துகளில் 97 ரன்கள் விளாசல்: டெல்லியை வீழ்த்தி அசத்தியது குஜராத்

அகமதாபாத்: ஐபிஎல் டி20 கிரிக்கெட் தொடரில் ஜாஸ் பட்லரின் அதிரடி ஆட்டத்தால் டெல்லி கேப்பிடல்ஸ் அணியை 7 விக்கெட்கள் வித்தியாசத்தில் வீழ்த்தியது குஜராத் டைட்டன்ஸ் அணி.

அகமதாபாத்தில் உள்ள நரேந்திர மோடி மைதானத்தில் நேற்று நடைபெற்ற இந்த ஆட் டத்தில் முதலில் பேட் செய்த டெல்லி கேப்பிடல்ஸ் 20 ஓவர்களில் 8 விக்கெட்கள் இழப்புக்கு 203 ரன்கள் குவித்தது. அதிகபட்சமாக கேப்டன் அக்சர் படேல் 32 பந்துகளில், 2 சிக்ஸர்கள், ஒரு பவுண்டரியுடன் 39 ரன்களும் அஷுதோஷ் சர்மா 19 பந்துகளில், 3 சிக்ஸர்கள், 2 பவுண்டரிகளுடன் 37 ரன்களும் விளாசினர்.