தோனி தலைமையில் எழுச்சி பெறுமா சிஎஸ்கே? - சேப்பாக்கத்தில் கொல்கத்தாவுடன் இன்று பலப்பரீட்சை

ஐபிஎல் டி20 கிரிக்​கெட் தொடரில் இன்று இரவு 7.30 மணிக்கு சென்னை சேப்பாக்​கம் எம்​.ஏ.சிதம்​பரம் மைதானத்​தில் நடை​பெறும் ஆட்​டத்​தில் 5 முறை சாம்​பிய​னான சிஎஸ்​கே, நடப்பு சாம்​பிய​னான கொல்​கத்தா நைட் ரைடர்ஸ் அணி​யுடன் மோதுகிறது. காயம் காரண​மாக ருது​ராஜ் கெய்க்​வாட் இந்த சீசனில் இருந்து முழு​மை​யாக விலகி உள்​ள​தால் எம்​.எஸ்​.தோனி தலை​மை​யில் களமிறங்​கு​கிறது சிஎஸ்கே அணி.

ஐபிஎல் நடப்பு சீசனில் சிஎஸ்கே அணி 5 ஆட்​டங்​களில் விளை​யாடி ஒரு வெற்​றி, 4 தோல்வி​களு​டன் 2 புள்​ளி​கள் பெற்று புள்​ளி​கள் பட்​டியலில் கடைசி இடத்​தில் உள்​ளது. தொடக்க ஆட்​டத்​தில் மும்பை அணியை வீழ்த்​திய நிலை​யில் அதன் பின்​னர் பெங்​களூரு, ராஜஸ்​தான், டெல்​லி, பஞ்சாப் அணி​களிடம் சிஎஸ்கே அணி தோல்வி அடைந்​தது. இந்த சீசனில் சிஎஸ்கே அணி தோல்வி அடைந்த 4 ஆட்​டங்​களி​லும் இலக்கை துரத்தியிருந்தது.