யுஇஎஃப்ஏ நேஷன்ஸ் லீக் கால்பந்து: ஸ்பெயினை வீழ்த்தி போர்ச்சுகல் பட்டம் வென்றது எப்படி?

முனிச்: யுஇஎஃப்ஏ நேஷன்ஸ் லீக் கால்பந்து தொடரின் இறுதிப் போட்டியில் நேற்று ஜெர்மனியின் முனிச் நகரில் ஸ்பெயின் - போர்ச்சுகல் அணிகள் பலப்பரீட்சை நடத்தின. 21-வது நிமிடத்தில் ஸ்பெயின் அணியின் மார்ட்டின் ஜூபிமெண்டி உட்புற பாக்ஸின் வலது புறத்தில் இருந்து அடித்த பந்து கோல் வலையை துளைத்தது. இதனால் ஸ்பெயின் 1-0 என்ற கோல் கணக்கில் முன்னிலை வகித்தது. ஆனால் அந்த அணியின் மகிழ்ச்சி வெகுநேரம் நீடிக்கவில்லை.

அடுத்த 5 நிமிடங்களில் போர்ச்சுகல் அணியின் பெட்ரோ நீட்டோ உதவியுடன் பந்தை பெற்ற நூனோ மென்டெஸ் பாக்ஸின் இடது புறத்தில் இருந்து அடித்த பந்து கோல் வலையின் வலது கார்னரை நோக்கி பாய்ந்தது. இதனால் ஆட்டம் 1-1 என்ற கோல் கணக்கில் சமநிலையை எட்டியது.