ரியான் பராக்கின் அதிரடி ஆட்டம் வீண்: கடைசி பந்தில் கொல்கத்தா த்ரில் வெற்றி!

கொல்கத்தா: நடப்பு ஐபிஎல் சீசனின் 53-வது லீக் ஆட்டத்தில் கடைசி பந்தில் த்ரில் வெற்றி பெற்றது கொல்கத்தா நைட் ரைடர்ஸ் அணி. 207 ரன்களை விரட்டிய ராஜஸ்தான் அணி 20 ஓவர்களில் 205 ரன்கள் மட்டுமே எடுத்தது. ராஜஸ்தான் கேப்டன் ரியான் பராக் 45 பந்துகளில் 95 ரன்கள் விளாசி இருந்தார்.

கொல்கத்தாவில் உள்ள ஈடன் கார்டன் கிரிக்கெட் மைதானத்தில் இந்த ஆட்டம் ஞாயிற்றுக்கிழமை நடைபெற்றது. இதில் டாஸ் வென்ற கொல்கத்தா அணி பேட் செய்ய முடிவு செய்தது. அந்த அணி 20 ஓவர்களில் 4 விக்கெட்டுகள் இழப்புக்கு 206 ரன்கள் எடுத்தது. ரஸல், 25 பந்துகளில் 57 ரன்கள் எடுத்தார். ரகுவன்ஷி 44, ரஹானே 30, குர்பாஸ் 35 ரன்கள் எடுத்தனர்.