8 மணி நேர வேலை: தீபிகாவின் கருத்தும்; நவாஸுதின் சித்திக்கின் ரியாக்‌ஷனும்!

மும்பை: பாலிவுட் பிரபல நடிகை தீபிகா படுகோன் தினமும் 8 மணி நேரம் மட்டுமே பணிபுரிய முடியும் என்று கூறியது தொடர்பாக தனது கருத்தைப் பகிர்ந்துள்ளார், பாலிவுட்டின் மற்றொரு ஜாம்பவான் நவாஸுதின் சித்திக். அவர் நடித்த ‘தம்மா’ திரைப்படம் அக்.21-ல் வெளியாகி ஓடிக் கொண்டிருக்கும் நிலையில், நவாஸுதின் சித்திக்கின் இந்தக் கருத்து கவனம் பெற்றுள்ளது.

ஆங்கில ஊடகப் பேட்டியொன்றில் நவாஸுதின் சித்திக் கூறியதாவது: எனக்கு அதைப் பற்றி (தீபிகா சொன்னது பற்றி) அதிகம் தெரியாது. அந்தக் கருத்தை நான் முழுமையாக வாசிக்கவில்லை. ஆனால், எது சவுகரியமாக வேலை நேரமாக இருக்கிறதோ. அது அனைவருக்குமானதாக இருக்க வேண்டும். அது உங்களை சோர்வாக்காமல், எளிதில் வேலைகளை முடித்துக் கொடுக்கும்படி இருக்க வேண்டும்.” என்று கூறியுள்ளார். இது மறைமுகமாக ஆண் - பெண் நடிகர்களுக்கு சமமான 8 மணி நேர வேலை என்ற தீபிகாவின் கோரிக்கையை ஆமோதிப்பதுபோலவே உள்ளது.