Vijay: `ஜனநாயகன் விஜய் எப்படி?!' - விருது விழாவில் பாபி தியோல்

`கங்குவா' திரைப்படத்தை தொடர்ந்து தமிழில் விஜய்யுடன் `ஜன நாயகன்' படத்தில் நடித்து வருகிறார் பாலிவுட் நடிகர் பாபி தியோல். `கங்குவா' படத்தின் மூலம் தமிழில் அறிமுகமான இந்த பாலிவுட் நடிகர் `ஜன நாயகன்' படத்திலும் ஒரு முக்கிய கதாபாத்திரத்தில் நடித்து வருகிறார். இவரை தாண்டி ப்ரியாமணி, பூஜா ஹெக்டே, மமிதா பைஜு ஆகியோரும் முக்கிய கதாபாத்திரங்களில் நடித்து வருகிறார்கள்.

Thalapathy 69 Poojai

2025-ம் ஆண்டுக்கான IIFA டிஜிட்டல் விருதுகள் ஜெய்பூரில் நேற்றைய தினம் நடைபெற்றது. இந்த நிகழ்வில் கலந்துகொள்ள வந்த பாபி தியோல் க்ரீன் கார்ப்பெட்டில் செய்தியாளர்களைச் சந்தித்துப் பேசியிருக்கிறார். அங்கு விஜய்யுடன் நடிப்பது பற்றியும், தன் ரசிகர்களைப் பற்றியும் பேசியிருக்கிறார்.

பாபி தியோல் பேசுகையில், `` தளபதி விஜய்யுடன் நடித்துக் கொண்டிருக்கிறேன். அவர் ஒரு ஸ்வீட் ஹார்ட்! எப்போதும் சிம்பிளாக (Down to earth) இருப்பார்." என்றவர், `` கடவுள் மிகவும் அன்பானவர். சினிமாவில் கடைசி 30 வருடங்களில் என் ரசிகர்கள் எனக்காக இருந்திருக்கிறார்கள். அப்பாவினால்தான் இப்படியான மக்களின் அன்பு கிடைத்திருப்பதாக நினைக்கிறேன்.

Bobby Deol - Jana Nayagan

மக்களின் அன்பு, நான் ஆசீர்வதிக்கப்பட்டவனாக உணர வைக்கிறது. நான் எப்போது விருதை வென்றாலும் அது என் ரசிகர்களுக்குதான். என்னுடைய கம்போர்ட் சோனை விட்டு வெளியே இருக்கும் சவாலான கதாபாத்திரங்களைத்தான் ஏற்று நடிக்க எனக்கு எப்போதும் பிடிக்கும்." எனக் கூறியிருக்கிறார்.