மறைந்தார் ஷிஹான் ஹூசைனி.. பலரும் அறியாத சில விஷயங்கள்!

கராத்தே மாஸ்டர், நடிகர், வில்வித்தை பயிற்சியாளர் என பன்முக திறமை கொண்ட ஷிஹான் ஹூசைனி, ரத்த புற்றுநோய் பாதிப்பு காரணமாக சிகிச்சை பலனின்றி காலமானார். அவருக்கு வயது 60 ஆகும். அவரை பற்றி பலரும் அறியாத விஷயங்களை இந்தப் பதிவில் பார்க்கலாம்

மதுரையில் பிறந்து வளர்ந்த ஷிஹான் ஹூசைனி, கராத்தே மாஸ்டராக பல்வேறு சாதனைகளை புரிந்துள்ளார். மேலும், இளம் மாணவர்களுக்கு மார்ஷியல் ஆர்ட்ஸ் கலைகளும் கற்று கொடுத்து வந்தார்

1986ல் பாலசந்தரின் புன்னகை மன்னன் திரைப்படம் மூலம் கோலிவுட்டில் கால் பதித்தார். இலங்கை தமிழராக நடித்த அவரது கதாபாத்திரத்திற்கு நல்ல வரவேற்பு கிடைத்திட, முன்னனி நடிகர்களின் படங்களிலும் நடிக்கும் வாய்ப்பு கிடைதத்து

1988ல் ரஜினிகாந்த் நடித்த ஆங்கில படமான பிளட் ஸ்டோன் படத்திலும் சிறிய ரோலில் ஷிஹான் ஹூசைனி நடித்துள்ளார்

2001ல் வெளியான விஜய்யின் பத்ரி திரைப்படத்தில் குத்துச்சண்டை பயிற்சியாளராக ஷிஹான் ஹூசைனி நடித்திருப்பார். இப்படம் மூலம் அவருக்கு பிரபலமும் கிடைத்தது. ஆனால், நடிப்பதை நிறுத்திவிட்டு கராத்தே பயிற்சி அளிப்பதில் தீவிரமாக செயல்பட்டு வந்தார்

21 ஆண்டுகளுக்கு பிறகு சினிமாவுக்கு ரீ என்ட்ரி கொடுத்தார். விஜய் சேதுபதியின் காத்துவாக்குல ரெண்டு காதல் படத்தில் கராத்தே பயிற்சியாளராக நடித்திருந்தார். பிறகு, வைபவ்-வின் சென்னை சிட்டி கேங்ஸ்டர் படத்திலும் நடித்துள்ளார்.

1998ல் மருதநாயகம் படத்தின் ஷூட்டிங் சமயத்தில் நடிகர் கமல் ஹாசனின் பாதுகாப்பை ஒருங்கிணைக்கும் பணியில் ஈடுபட்டிருந்தார். மேலும், ஷங்கரின் ஜீன்ஸ் படத்தின் Premier ஷோக்களிலும் பாதுகாப்பு பணியில் இடம்பெற்றார்

ஷிஹான் ஹூசைனி, மறைந்த தமிழக முதல்வர் ஜெயலலிதாவின் தீவிரமான பக்தர் ஆகும். அவரது 56வது பிறந்தநாளுக்கு தனது ரத்தத்தை கொண்டு 56 படங்களை வரைந்தார். மேலும், 2013ல் உறைந்த ரத்தத்தைப் பயன்படுத்தி ஜெயலலிதாவின் மார்பளவு சிலையை தயார் செய்தார். அதற்காக 11 லிட்டர் ரத்தத்தை சேகரித்துள்ளார்

கராத்தேவை தொடர்ந்து 2016ல் வில்வித்தை பயிற்சியாளராக மாறி மாணவர்களுக்கு கோச்சிங் அளித்து வந்தார். இதுதவிர, வெல்லும் திறமைகள் எனும் ரியோலிட்டி ஷோவிலும் நடுவராக பணியாற்றினார். இவர் இறப்பதற்கு சில தினங்கள் முன்பு தனது உடல் பாகங்களை தானம் செய்யவும் விருப்பம் தெரிவித்தார்.

Thanks For Reading!